У большасці крам сеткі «Санта» знайшлі парушэнні
Міністэрства антыманапольнага рэгулявання і гандлю правяло выбарачную праверку крам ТАА «Санта Рытэйл». Пад яе трапілі гандлёвыя пункты рытэйлера ў больш чым дзясятку гарадоў Беларусі, а таксама ў Гомельскім раёне.
Фота ілюстрацыйнае
«Парушэнні па гандлі ўстаноўленыя практычна ў кожным аб'екце (77%). У 33% правераных аб'ектах — невыкананне пераліку тавараў, абавязковых да наяўнасці для рэалізацыі, у тым ліку ў продажы адсутнічалі крухмал, капуста белакачанная, агуркі, яблыкі свежыя, бульба», — інфармуе МАРГ.
Акрамя гэтага, у сямі крамах кантралёры знайшлі ў продажы прадукты са скончаным тэрмінам прыдатнасці. Былі выяўленыя і факты адсутнасці цэннікаў на шэраг тавараў.
Таксама малаказмяшчальны прадукт з заменнікам малочнага тлушчу «Касічка» быў выкладзены для продажу без абавязковага інфармацыйнага надпісу «Прадукты з заменнікам малочнага тлушчу».
Праверка сеткі гэтых крам яшчэ працягваецца.
Чытайце таксама:
У дзейнасці буйной гандлёвай сеткі знайшлі вельмі шмат парушэнняў