U bolšaści kram sietki «Santa» znajšli parušeńni
Ministerstva antymanapolnaha rehulavańnia i handlu praviało vybaračnuju pravierku kram TAA «Santa Rytejł». Pad jaje trapili handlovyja punkty rytejlera ŭ bolš čym dziasiatku haradoŭ Biełarusi, a taksama ŭ Homielskim rajonie.
Fota ilustracyjnaje
«Parušeńni pa handli ŭstanoŭlenyja praktyčna ŭ kožnym abjekcie (77%). U 33% pravieranych abjektach — nievykanańnie pieraliku tavaraŭ, abaviazkovych da najaŭnaści dla realizacyi, u tym liku ŭ prodažy adsutničali kruchmał, kapusta biełakačannaja, ahurki, jabłyki śviežyja, bulba», — infarmuje MARH.
Akramia hetaha, u siami kramach kantralory znajšli ŭ prodažy pradukty sa skončanym terminam prydatnaści. Byli vyjaŭlenyja i fakty adsutnaści ceńnikaŭ na šerah tavaraŭ.
Taksama małakaźmiaščalny pradukt z zamieńnikam małočnaha tłušču «Kasička» byŭ vykładzieny dla prodažu biez abaviazkovaha infarmacyjnaha nadpisu «Pradukty z zamieńnikam małočnaha tłušču».
Pravierka sietki hetych kram jašče praciahvajecca.
Čytajcie taksama:
U dziejnaści bujnoj handlovaj sietki znajšli vielmi šmat parušeńniaŭ