Папа Францішак не будзе праводзіць перадвелікодныя мерапрыемствы
Што тычыцца набажэнстваў Велікоднага тыдня, Папа Францішак асабіста дэлегаваў іх правядзенне кардыналам, адзначае прэс-служба Ватыкана.
Фота: Gregorio Borgia / AP
Імшу асвячэння міра і бласлаўлення масла ў Вялікі чацвер узначаліць кардынал Даменіка Кальканьё, былы прэзідэнт Упраўлення маёмасцю Апостальскай сталіцы.
Літургію пакутаў Госпада ў Вялікую пятніцу ўзначаліць кардынал Клаўдыа Гуджэроці, прэфект Дэпартаменту ў справах Усходніх Цэркваў, былы нунцый у Беларусі.
Традыцыйны Крыжовы шлях у Калізеі правядзе кардынал Бальдасарэ Рэіна, генеральны вікарый Рымскай епархіі.
Пра ўдзел Святога Айца ў набажэнствах Пасхальнага трыдэнства пакуль не паведамляецца. Хутка будзе апублікаваны афіцыйны каляндар літургій у базыліцы св. Пятра.