Papa Francišak nie budzie pravodzić pieradvielikodnyja mierapryjemstvy
Što tyčycca nabaženstvaŭ Vielikodnaha tydnia, Papa Francišak asabista delehavaŭ ich praviadzieńnie kardynałam, adznačaje pres-słužba Vatykana.
Fota: Gregorio Borgia / AP
Imšu aśviačeńnia mira i błasłaŭleńnia masła ŭ Vialiki čaćvier uznačalić kardynał Damienika Kalkańjo, były prezident Upraŭleńnia majomaściu Apostalskaj stalicy.
Liturhiju pakutaŭ Hospada ŭ Vialikuju piatnicu ŭznačalić kardynał Kłaŭdya Hudžeroci, prefiekt Departamientu ŭ spravach Uschodnich Cerkvaŭ, były nuncyj u Biełarusi.
Tradycyjny Kryžovy šlach u Kaliziei praviadzie kardynał Baldasare Reina, hienieralny vikaryj Rymskaj jeparchii.
Pra ŭdzieł Śviatoha Ajca ŭ nabaženstvach Paschalnaha trydenstva pakul nie paviedamlajecca. Chutka budzie apublikavany aficyjny kalandar liturhij u bazylicy sv. Piatra.