Лукашэнка прызнаў вялікія праблемы на «Амкадоры»
Узгадняючы прызначэнне намесніка старшыні Федэрацыі прафсаюзаў Аляксандра Шчаковіча на пасаду кіраўніка адміністрацыі Савецкага раёна Мінска, Лукашэнка даручыў яму звярнуць асаблівую ўвагу на прадпрыемства «Амкадор», адна з вытворчасцяў якога размешчана на тэрыторыі раёна.
Адно з памяшканняў «Амкадор». Фота: amkodor.by
«Я вельмі буду чакаць твайго падключэння. З «Амкадорам» у нас вялікія праблемы», — заявіў Лукашэнка.
«Трэба прыводзіць гэтае прадпрыемства да прытомнасці. І ні ў якім разе нельга загубіць. «Амкадор» — гэта вельмі перспектыўнае для нас і для Расіі прадпрыемства. На нашым агульным рынку вельмі важнае. Таму ўнікай», — даў ён даручэнне.
Нядаўна стала вядома, што перастаў быць уласнікам машынабудаўнічага холдынгу «Амкадор» набліжаны да ўлады бізнэсмен Аляксандр Шакуцін. Дзяржава адабрала ў яго кампанію, аддаўшы яе пад кантроль БелАЗа.
Чытайце таксама:
Знайшлося яшчэ адно пацвярджэнне таго, што «Амкадорам» кіруе не Шакуцін, а менеджары БелАЗа
Лукашэнка нацыяналізаваў «Амкадор». Шакуцін стаў простым беларускім пенсіянерам
У Шакуціна забралі гаротны даўгабуд «Шантэр Хіл» каля Драздоў