Літва будзе дамагацца нядопуску зборнай Беларусі да ўдзелу ў чэмпіянаце Еўропы па футзале
«Тое, што мы не будзем з імі гуляць, і іх не будзе тут, у Літве, — і так відавочна. Мая пазіцыя ў гэтым выпадку будзе жорсткай», — заявіў прэзідэнт Літоўскай федэрацыі футбола (ЛФФ) Эдгарас Станкявічус.
Паводле яго слоў, супольная пазіцыя Літвы, Латвіі і Украіны будзе абнародаваная ў найбліжэйшы час.
Па словах Э. Станкявічуса, калі Саюз еўрапейскіх футбольных асацыяцый (УЕФА) усё ж такі дапусціць Беларусь да ўдзелу ў чэмпіянаце, то рашэнне будзе прымаць ужо непасрэдна ЛФФ.
Раней пра магчымы нядопуск беларусаў заявілі і ў Латвійскай федэрацыі футбола.
Літва разам з Латвіяй у студзені-лютым 2026 года арганізуе чэмпіянат Еўропы па футзале. Матчы пройдуць у Каўнасе і Рызе. Лёсаванне групаў і дзе павінна гуляць кожная зборная, стане вядома ў кастрычніку.
Зборная Беларусі ўпершыню за 16 гадоў прабілася на кантынентальнае першынство. Але ці паедзе яна ў Каўнас ці Рыгу, не зразумела.
Чытайце таксама:
Кіраўнік Латвійскай федэрацыі футбола: мы не можам арганізаваць турнір з удзелам Беларусі
Зборную Беларусі па футзале могуць не пусціць на чэмпіянат Еўропы ў Літву і Латвію