Litva budzie damahacca niadopusku zbornaj Biełarusi da ŭdziełu ŭ čempijanacie Jeŭropy pa futzale
«Toje, što my nie budziem ź imi hulać, i ich nie budzie tut, u Litvie, — i tak vidavočna. Maja pazicyja ŭ hetym vypadku budzie žorstkaj», — zajaviŭ prezident Litoŭskaj fiederacyi futboła (ŁFF) Edharas Stankiavičus.
Pavodle jaho słoŭ, supolnaja pazicyja Litvy, Łatvii i Ukrainy budzie abnarodavanaja ŭ najbližejšy čas.
Pa słovach E. Stankiavičusa, kali Sajuz jeŭrapiejskich futbolnych asacyjacyj (UEFA) usio ž taki dapuścić Biełaruś da ŭdziełu ŭ čempijanacie, to rašeńnie budzie prymać užo niepasredna ŁFF.
Raniej pra mahčymy niadopusk biełarusaŭ zajavili i ŭ Łatvijskaj fiederacyi futboła.
Litva razam z Łatvijaj u studzieni-lutym 2026 hoda arhanizuje čempijanat Jeŭropy pa futzale. Matčy projduć u Kaŭnasie i Ryzie. Losavańnie hrupaŭ i dzie pavinna hulać kožnaja zbornaja, stanie viadoma ŭ kastryčniku.
Zbornaja Biełarusi ŭpieršyniu za 16 hadoŭ prabiłasia na kantynientalnaje pieršynstvo. Ale ci pajedzie jana ŭ Kaŭnas ci Ryhu, nie zrazumieła.
Čytajcie taksama:
Kiraŭnik Łatvijskaj fiederacyi futboła: my nie možam arhanizavać turnir z udziełam Biełarusi
Zbornuju Biełarusi pa futzale mohuć nie puścić na čempijanat Jeŭropy ŭ Litvu i Łatviju