Рэдкі грыб знайшлі на Брэстчыне. Ён падобны да пячонкі
У народзе яго з гумарам называюць «цешчын» або «воўчы язык».
Фістуліна пячоначная. Фота: Мінпрыроды
У Маларыцкім райне знайшлі месца, дзе расце рэдкі грыб фістуліна пячоначная. Ён уключаны ў Чырвоную кнігу Беларусі як знікаючы від, паведамляе Міністэрства прыроды.
Грыб таксама занесены ў Чырвоныя кнігі Літвы, Латвіі і Польшчы.
Такую назву — фістуліна пячоначная — грыб атрымаў за падабенства з пячонкай.
У народзе яго з гумарам называюць «цешчын» або «воўчы язык». А англійская народная назва — «біфштэкс бедняка».
Гэты грыб расце на старых дубах. Ён паразіт і разбурае драўніну. Збіраць яго забаронена.
Чытайце таксама:
На абед падала атрутныя грыбы. Жанчыну ў Аўстраліі судзяць за забойства траіх сваякоў