Мінчукоў просяць запасціся жэтонамі на метро

Мінскі метрапалітэн рэкамендуе жыхарам горада загадзя набыць жэтоны на праезд у метро, паведамляе прэс-служба арганізацыі. Звязана гэта са святкаваннем 9 Мая.

Фота ілюстрацыйнае

«У сувязі з правядзеннем культурна-масавых мерапрыемстваў… у перадсвяточныя і святочныя дні Мінскі метрапалітэн просіць пасажыраў загадзя набываць жэтоны і праязныя квіткі», — гаворыцца ў паведамленні.

Пры гэтым на ўсіх станцыях метро праезд можна аплаціць таксама з дапамогай бескантактных банкаўскіх карт.

Звязана гэтая просьба з тым, што ў сувязі з правядзеннем у горадзе масавых мерапрыемстваў у метрапалітэне чакаецца вялікі наплыў пасажыраў, а неабходнасць стаяць доўгія чэргі ў касы могуць ствараць ім праблемы.

Дарэчы, у святочныя дні зменіцца ў бок скарачэння і інтэрвал руху цягнікоў. У пятніцу, 9 мая, ён складзе:

• на 1-й лініі (Маскоўскай) з 9:00 да 24:00 — 3 хвіліны;
• на 2-й лініі (Аўтазаводскай) з 9:00 да 11:00 — 5 хвілін, з 11:00 да 16:00 — 4 хвіліны, з 16:00 да 24:00 — 3 хвіліны;
• на 3-й лініі (Зеленалужскай) з 6:00 да 11:00 — 7 хвілін, з 11:00 да 24:00 — 6 хвілін.

У суботу, 10 мая, на Аўтазаводскай лініі інтэрвал руху цягнікоў зменіцца з 19:30 да 24:00 і складзе 5 хвілін.

Таксама ў прэс-службе метрапалітэна звярнулі ўвагу, што 9 мая магчымыя абмежаванні для пасажыраў на ўваход і выхад на станцыі «Плошча Перамогі» (вестыбюль з боку манумента Перамогі), а таксама на некаторых іншых станцыйных комплексах, у сувязі з правядзеннем святочных мерапрыемстваў.

Каментары да артыкула