У Ватыкане абралі новага Папу
З коміна Сіксцінскай капэлы ў Ватыкане пайшоў белы дым. Гэта азначае, што кардыналы, якія з учарашняга дня засядаюць на канклаве, абралі новага пантыфіка.
Белы дым азначае, што новы Папа абраны. Кардыналы аддалі за аднаго з кандыдатаў больш за дзве траціны галасоў.
Імя новаабранага Папы пакуль не называецца, але стане вядомае ўжо неўзабаве.
Перш чым з'явіцца на публіцы, новы Папа апране асаблівае папскае адзенне і на некаторы час пойдзе ў асобны пакой, каб там у адзіноце сабрацца з думкамі.
Перад ягоным выхадам абраны кардынал прамовіць з балкона Habemus papam — лацінскую фразу, якая азначае «У нас ёсць Папа».
Чытайце таксама:
У першы дзень канклава з коміна Сікстынскай капэлы пайшоў чорны дым
Сёння ў Ватыкане пачынаецца канклаў кардыналаў. Будзе абраны новы Папа