Жэрара Дэпард'ё асудзілі за сэксуальны гвалт
Сам Дэпард'ё сваёй віны не прызнаў.
Жэрар Дэпард'ё. Фота: Tristar Media / Getty Images
Французскі суд прызнаў акцёра Жэрара Дэпард'ё вінаватым у сэксуальным гвалце супраць адной з жанчын, якая выставіла супраць яго абвінавачанні, паведамляюць інфармагенцтвы. Сам Дэпард'ё сваёй віны не прызнаў.
Акцёра абвінавачвалі ў сэксуальным гвалце ў дачыненні да дзвюх жанчын падчас здымак фільма «Зялёныя аканіцы» ў 2021 годзе.
Гэта першая справа супраць Дэпард'ё, якая дайшла да суда, хаця ўсяго каля 20 жанчын абвінавачвалі яго ў неналежных паводзінах.
Дэпард'ё пагражала пяць гадоў турмы і штраф да 81 тысячы еўра.
Яму далі 18 месяцаў умоўна, на такім прысудзе ў выніку настойваў дзяржабвінаваўца.