Žerara Depardjo asudzili za seksualny hvałt
Sam Depardjo svajoj viny nie pryznaŭ.
Žerar Depardjo. Fota: Tristar Media / Getty Images
Francuzski sud pryznaŭ akciora Žerara Depardjo vinavatym u seksualnym hvałcie suprać adnoj z žančyn, jakaja vystaviła suprać jaho abvinavačańni, paviedamlajuć infarmahienctvy. Sam Depardjo svajoj viny nie pryznaŭ.
Akciora abvinavačvali ŭ seksualnym hvałcie ŭ dačynieńni da dźviuch žančyn padčas zdymak filma «Zialonyja akanicy» ŭ 2021 hodzie.
Heta pieršaja sprava suprać Depardjo, jakaja dajšła da suda, chacia ŭsiaho kala 20 žančyn abvinavačvali jaho ŭ nienaležnych pavodzinach.
Depardjo pahražała piać hadoŭ turmy i štraf da 81 tysiačy jeŭra.
Jamu dali 18 miesiacaŭ umoŭna, na takim prysudzie ŭ vyniku nastojvaŭ dziaržabvinavaŭca.