Уіткаф і Келаг 15 мая паедуць у Турцыю для ўдзелу ў перамовах
Спецпасланнікі прэзідэнта ЗША Стыў Уіткаф і Кіт Келаг паедуць 15 мая ў Стамбул для ўдзелу ў магчымых перамовах аб спыненні вайны Расіі супраць Украіны. Пра гэта піша Reuters са спасылкай на тры неназваныя крыніцы.
Стыў Уіткаф. Фота: Chip Somodevilla/Getty Images
Перад гэтым у ноч на 11 мая прэзідэнт Расіі Уладзімір Пуцін выступіў на прэс-канферэнцыі, прапанаваўшы аднавіць прамыя перамовы з Украінай «без якіх-небудзь папярэдніх умоў» у Турцыі 15 мая.
Украіна разам з саюзнікамі — Францыяй, Германіяй, Вялікабрытаніяй, Польшчай — заклікалі да 30-дзённага спынення агню без якіх-небудзь умоў ужо з 12 мая. З аналагічнай прапановай выступалі ЗША.
Увечары 12 мая прэзідэнт ЗША Дональд Трамп выказаў меркаванне, што Украіна павінна пагадзіцца на прапанову Расіі аб прамых перамовах у Турцыі.
Пасля таго прэзідэнт Украіны Уладзімір Зяленскі заявіў, што 15 мая будзе асабіста чакаць Пуціна. Акрамя гэтага, ён адзначыў, што хоча, каб Трамп таксама прысутнічаў у Турцыі. Сам Трамп казаў, што разглядае такую магчымасць.
Чытайце таксама:
Прысутнасць Трампа на перамовах у Стамбуле залежыць ад таго, ці прыедзе Пуцін
Пуцін не паляціць у Стамбул у сераду