У Стамбул прыляцеў урадавы самалёт з Масквы
Хто дакладна знаходзіўся на борце — невядома.
Скрыншот Fligtradar24
У Стамбуле прызямліўся самалёт Іл-62М Спецыяльнага лётнага атрада «Расія», піша Бі-бі-сі.
Паводле гэтых звестак, борт з рэгістрацыйным нумарам RA-86559 вылецеў з аэрадрома «Чкалаўскі» ў Маскоўскай вобласці і прызямліўся ў аэрапорце імя Атацюрка ў Стамбуле.
Грамадзянскія рэйсы з гэтага аэрапорта былі перанесены ў новы аэрапорт Стамбула пасля яго адкрыцця ў 2018 годзе. Зараз аэрапорт Атацюрка, які знаходзіцца ў межах горада непадалёк ад гістарычнага цэнтра, абслугоўвае толькі вайсковую і ўрадавую авіяцыю.
Мяркуецца, што ў Стамбул прыбылі члены расійскай дэлегацыі, якія ў чацвер павінны сустрэцца з украінскімі чыноўнікамі. Хто дакладна знаходзіўся на борце — невядома.
Як учора паведамлялася, дэлегацыю Расіі, як і ў 2022 годзе, узначаліць памочнік прэзідэнта Расіі Уладзімір Мядзінскі. Акрамя таго, у склад дэлегацыі ўвойдуць намеснік міністра замежных спраў Міхаіл Галузін, начальнік Галоўнага ўпраўлення Генштаба УС РФ Ігар Касцюкоў і намеснік міністра абароны Расіі Аляксандр Фамін.
Чытайце таксама:
Трамп адмовіўся ад паездкі на перамовы па Украіне
Пуцін зацвердзіў красамоўны склад расійскай дэлегацыі для перамоў у Стамбуле