U Stambuł prylacieŭ uradavy samalot z Maskvy
Chto dakładna znachodziŭsia na borcie — nieviadoma.
Skrynšot Fligtradar24
U Stambule pryziamliŭsia samalot Ił-62M Śpiecyjalnaha lotnaha atrada «Rasija», piša Bi-bi-si.
Pavodle hetych źviestak, bort z rehistracyjnym numaram RA-86559 vylecieŭ z aeradroma «Čkałaŭski» ŭ Maskoŭskaj vobłaści i pryziamliŭsia ŭ aeraporcie imia Ataciurka ŭ Stambule.
Hramadzianskija rejsy z hetaha aeraporta byli pieraniesieny ŭ novy aeraport Stambuła paśla jaho adkryćcia ŭ 2018 hodzie. Zaraz aeraport Ataciurka, jaki znachodzicca ŭ miežach horada niepadalok ad histaryčnaha centra, absłuhoŭvaje tolki vajskovuju i ŭradavuju avijacyju.
Miarkujecca, što ŭ Stambuł prybyli členy rasijskaj delehacyi, jakija ŭ čaćvier pavinny sustrecca z ukrainskimi čynoŭnikami. Chto dakładna znachodziŭsia na borcie — nieviadoma.
Jak učora paviedamlałasia, delehacyju Rasii, jak i ŭ 2022 hodzie, uznačalić pamočnik prezidenta Rasii Uładzimir Miadzinski. Akramia taho, u skład delehacyi ŭvojduć namieśnik ministra zamiežnych spraŭ Michaił Hałuzin, načalnik Hałoŭnaha ŭpraŭleńnia Hienštaba US RF Ihar Kaściukoŭ i namieśnik ministra abarony Rasii Alaksandr Famin.
Čytajcie taksama:
Tramp admoviŭsia ad pajezdki na pieramovy pa Ukrainie
Pucin zaćvierdziŭ krasamoŭny skład rasijskaj delehacyi dla pieramoŭ u Stambule