Зяленскі сустрэнецца з Эрдаганам у Анкары
І толькі потым прыме рашэнне наконт далейшых дзеянняў.
Уладзімір Зяленскі з Рэджэпам Таіпам Эрдаганам у Анкары. 18 лютага 2025 года. Фота: Turkish Presidency via AP
Прэзідэнт Украіны Уладзімір Зяленскі ў чацвер плануе сустрэцца са сваім турэцкім калегам Рэджэпам Таіпам Эрдаганам у Анкары і толькі пасля гэтага прыме рашэнне адносна далейшых крокаў у перамовах з Расіяй. Пра гэта паведамляе AFP са спасылкай на высокапастаўленую крыніцу.
Сёння ў Стамбуле павінны адбыцца перамовы дэлегацый Расіі і Украіны. Яны былі ініцыяваныя Уладзімірам Пуціным у адказ на прапанову ЗША, Украіны і яе еўрапейскіх саюзнікаў аб безумоўным 30-дзённым спыненні агню.
Дональд Трамп заклікаў Зяленскага прыехаць у Стамбул і заявіў, што можа з’явіцца ў Турцыі і сам — калі туды прыедзе Уладзімір Пуцін. Але Пуцін, напэўна, у Стамбул не паляцеў, адмяніў свой візіт у Турцыю і Дональд Трамп.