Zialenski sustreniecca z Erdahanam u Ankary
I tolki potym prymie rašeńnie nakont dalejšych dziejańniaŭ.
Uładzimir Zialenski z Redžepam Taipam Erdahanam u Ankary. 18 lutaha 2025 hoda. Fota: Turkish Presidency via AP
Prezident Ukrainy Uładzimir Zialenski ŭ čaćvier płanuje sustrecca sa svaim tureckim kaleham Redžepam Taipam Erdahanam u Ankary i tolki paśla hetaha prymie rašeńnie adnosna dalejšych krokaŭ u pieramovach z Rasijaj. Pra heta paviedamlaje AFP sa spasyłkaj na vysokapastaŭlenuju krynicu.
Siońnia ŭ Stambule pavinny adbycca pieramovy delehacyj Rasii i Ukrainy. Jany byli inicyjavanyja Uładzimiram Pucinym u adkaz na prapanovu ZŠA, Ukrainy i jaje jeŭrapiejskich sajuźnikaŭ ab biezumoŭnym 30-dzionnym spynieńni ahniu.
Donald Tramp zaklikaŭ Zialenskaha pryjechać u Stambuł i zajaviŭ, što moža źjavicca ŭ Turcyi i sam — kali tudy pryjedzie Uładzimir Pucin. Ale Pucin, napeŭna, u Stambuł nie palacieŭ, admianiŭ svoj vizit u Turcyju i Donald Tramp.