Трамп заявіў, што гатовы адступіць ад перамоваў паміж Украінай і РФ, калі не будзе прагрэсу
«Гэта крывавая лазня, і я веру, што ён хоча яе спыніць».
Фота: Andrew Harnic / Getty Images
Прэзідэнт ЗША Дональд Трамп заявіў, што гатовы «адысці» ад перамоваў аб спыненні вайны Расіі супраць Украіны ў выпадку, калі не будзе дасягнуты прагрэс, паведамляе CNN.
Трамп заявіў, што падчас іхняй двухгадзіннай тэлефоннай размовы запытаўся ў кіраўніка Расіі Уладзіміра Пуціна, калі той «спыніць гэтае крывавае месіва» ва Украіне.
Я сказаў: «Калі мы спынім гэтае крывавае месіва, гэта крывавую баню?» «Гэта крывавая лазня, і я веру, што ён хоча яе спыніць».
Трамп таксама сказаў, што калі палічыць, што не можа дапамагчы, то «адыдзе» ад перамоваў. Ён дадаў, што тут удзельнічаюць «вельмі вялікія эга».
«Кажу вам, удзельнічаюць вялікія эга, але я думаю, што нешта адбудзецца. А калі гэтага не адбудзецца, я проста адыду, і ім давядзецца працягваць».
На пытанне, ці прасіў ён сустрэцца з Пуціным падчас іхняй размовы, прэзідэнт адказаў, што «размаўляў з ім пра гэта».
Выданне дадае, што Трамп раней намякаў, што яму і Пуціну прыйдзецца сустрэцца асабіста, каб пакласці канец вайне.
«Вядома, я так і зрабіў. Я размаўляў з ім пра гэта», — адзначыў прэзідэнт ЗША.
Разам з тым Трамп сказаў, што падчас размовы з Пуціным «дасягнуты пэўны прагрэс».
Чытайце таксама:
Трамп пра вынікі размовы з Пуціным: Перамовы паміж Расіяй і Украінай пачнуцца неадкладна
Зяленскі пасля размовы з Трампам: Выводзіць нашы войскі з нашых тэрыторый ніхто не будзе