Свет44

Зяленскі пасля размовы з Трампам: Выводзіць нашы войскі з нашых тэрыторый ніхто не будзе

Пасля размовы паміж Трампам і Пуцін прэзідэнт ЗША Дональд Трамп правёў таксама размову з прэзідэнтам Украіны Уладзімірам Зяленскім. Зяленскі пасля яе склікаў брыфінг і зрабіў некалькі заяў.

Уладзімір Зяленскі. Фота: Serdar Ozsoy/Getty Images

Зяленскі пасля размовы з Трампам адзначыў важнасць для Украіны і ўсіх краін Еўропы, каб ЗША не дыстанцыяваліся ад перамоў з Расіяй.

«Разам з еўрапейскімі лідарамі гаварылі ўжо пра магчымыя далейшыя крокі, у прыватнасці сустрэчы перагаворшчыкаў і аб'ектыўную ацэнку прапаноў бакоў. Кожная прапанова на стале заслугоўвае сумленнага погляду, і менавіта таму ў перагаворным працэсе павінны быць задзейнічаныя на пэўным узроўні і прадстаўнікі Амерыкі, і прадстаўнікі Еўропы.

Для нас усіх вельмі важна, каб Злучаныя Штаты не дыстанцыяваліся ад перамоў і дасягнення міру, таму што адзіны, хто ў гэтым зацікаўлены, — гэта Пуцін. Дзякуй усім за падтрымку такога падыходу».

Пры гэтым Зяленскі падкрэслівае важнасць накладання дадатковых санкцый на Расію, калі тая будзе працягваць зацягваць вайну і выстаўляць нерэалістычныя ўмовы міру.

«Калі Расія не пойдзе на спыненне забойстваў, калі не будзе вызваляць палонных і закладнікаў, калі Пуцін будзе выстаўляць нерэалістычныя ўмовы, то гэта будзе азначаць, што Расія і далей зацягвае вайну і заслугоўвае, каб Еўропа, Амерыка і ўвесь свет паводзілі сябе адпаведна, у прыватнасці рэагавалі дадатковымі санкцыямі», — сказаў Зяленскі падчас спецыяльнага брыфінгу.

У той жа час, паводле ягоных слоў, у пачатку двухбаковай размовы ён пацвердзіў Трампу, што ва Украіне гатовыя да поўнага і безумоўнага спынення агню.

«Цяпер вызначальны час. Цяпер свет можа ўбачыць, ці дастаткова здольнасці ў яго лідараў, каб забяспечыць спыненне вайны і наступ рэальнага, працяглага міру», — адзначыў Зяленскі.

У той жа час ён запэўніў, што ні пра якія перадачы расіянам тэрыторый, якія яны нават не кантралююць, гаворкі быць не можа.

«Выводзіць нашы войскі з нашых тэрыторый ніхто не будзе. Гэта канстытуцыйны абавязак мой, гэта абавязак нашых вайскоўцаў абараняць суверэнітэт і тэрытарыяльную цэласнасць Украіны. Так, цяпер часова акупаваныя ёсць тэрыторыі з-за агрэсіі такой вялікай краіны, гэта зразумела, але ніякіх ультыматумаў і ніхто здаваць сваю зямлю, свае тэрыторыі, сваіх людзей, свае дамы не будзе», — падкрэсліў прэзідэнт Украіны.

Каментары4

  • Filipp
    20.05.2025
    Цяпер зразумела, менавіта пра гэта ён і размаўляў з Трампам. А судзячы па заявах Трампа, ён не збіраецца дапамагаць утрымліваць гэтыя тэрыторыі. Цяпер зможым пабачыць наколькі магутна Эўропа.
    • Маскалік зноў брэша
      20.05.2025
      Filipp, і ў якім выглядзе Трамп " недапамогае" Украіне ?
      Балбоча ён адно, а зброя з ЗША ідзе.
      Навошта каркаць дрэннае ?
      • Filipp
        20.05.2025
        Маскалік зноў брэша, Ідзе тая зброя, што была дадзена адміністрацыяй Байдэна, ніякая новай зброі Трамп не адпраўляў.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзяўчына з-пад Маладзечна некалькі месяцаў жыла ў Варшаве на вуліцы. Яна расказала пра сваё няпростае жыццё

Дзяўчына з-пад Маладзечна некалькі месяцаў жыла ў Варшаве на вуліцы. Яна расказала пра сваё няпростае жыццё

Усе навіны →
Усе навіны

Сусветны банк прагназуе найгоршае дзесяцігоддзе для глабальнага росту з 1960-х гадоў2

Маркелаў, Нагорная і Гудзілін адкрываюць у Вільні прастору з лазняй7

Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было»15

У Эстоніі супрацоўніцу «Расіі сегодня» асудзілі на шэсць гадоў за дзяржздраду2

Яшчэ адно вялікае скарачэнне ў беларускім геймдэве2

Больш за 50 еўра за 180 км дарогі. Чаму растуць цэны на аўтобусныя квіткі з Менску ў Вільню12

Не ігнаруйце гэтыя змены скуры — яны могуць сведчыць пра пачатак дыябету6

Пасол Венгрыі па-майстэрску сыграла на аргане ў касцёле ў Магілёве3

Прэзідэнт Сербіі Вучыч упершыню з пачатку вайны наведаe Украіну1

больш чытаных навін
больш лайканых навін

Дзяўчына з-пад Маладзечна некалькі месяцаў жыла ў Варшаве на вуліцы. Яна расказала пра сваё няпростае жыццё

Дзяўчына з-пад Маладзечна некалькі месяцаў жыла ў Варшаве на вуліцы. Яна расказала пра сваё няпростае жыццё

Галоўнае
Усе навіны →

Заўвага:

 

 

 

 

Закрыць Паведаміць