«Моладзь больш душэўная і добрая за нас». У Наваполацку дзеці самаарганізаваліся, каб дапамагчы мужчыну, які ўпаў, падняцца
Наваполацкія дзеці сваёй дабрынёй заваявалі сацсеткі.
У Наваполацку дзеці самаарганізаваліся, каб дапамагчы пажылому мужчыну, які ўпаў, падняцца.
Выпадак адбыўся каля адной з наваполацкіх цэркваў. Мужчына падымаўся па лесвіцы, упаў і не змог падняцца самастойна. Гэта заўважылі мясцовыя дзеці.
На відэа, якое сабрала ўжо амаль 600 тысяч праглядаў у тыктоку, відаць, як да мужчыны падышоў хлопчык. Самастойна падняць дарослага ён не мог. Таму арганізаваў хлопцаў старэйшых. Агульнымі намаганнямі дзеці змаглі дапамагчы мужчыне падняцца на ногі і давялі яго да дзвярэй храма.
Ролік сабраў больш за 3500 каментароў. Пераважна захопленых. Гледачы захапляюцца хлопцамі, пішуць, што яшчэ нічога не страчана. А нехта адзначыў, што «моладзь больш душэўная і добрая за нас».
Чытайце таксама:
Дзяўчынка і даберман з Маладзечна збіраюць у тыктоку мільёны праглядаў
«Каўбасныя *опы». Беларус паказаў у тыктоку незвычайны тавар ад Брэсцкага мясакамбіната
У цэнтры Мінска сям'я качак дысцыплінавана скарысталася з пешаходнага перахода ВІДЭА