Ва Ушачах каля людскіх дамоў заўважылі ваўка з абадраным хвастом
У TikTok апублікавалі ролік, у якім паказалі ваўка, які бегаў каля жылля людзей у райцэнтры Ушачы. Каментатары сталі дзяліцца здагадкамі, шалёная гэта жывёліна ці не, піша Telegraf.news.
«Вось такія звяры ў Віцебскай вобласці. Што рабіць у такой сітуацыі? Як думаеце, ён шалёны?» — пацікавілася беларуска.
УВАГА: У відэа нецэнзурная лексіка.
На відэа яна паказала аднаго ваўка, а з незвычайнага быў вельмі абадраны хвост жывёлы, на што звярнулі ўвагу каментатары.
«Па хвасце відаць шаленства», — напісаў адзін каментатар.
«У ваўка алергія, сверб можа па нервовых канчатках ісці ў хвост», — выказала здагадку іншая карыстальніца.
«Узімку ён рыбу лавіў», — пажартаваў трэці.
«І колькі гэта можа працягвацца? Лісы, мядзведзі, ваўкі і г. д. у гарадах ходзяць. Уначы з працы ідзеш і баішся», — паскардзілася каментатарка.
«Трэба паведаміць у мясцовы аддзел прыродааховы. На крайні выпадак патэлефанаваць у міліцыю», — параіла іншая.
Чытайце таксама:
У Брагінскім раёне сілавікі ў бронекамізэльках і касках выйшлі паляваць на шалёную лісу ВІДЭА
У Жабінцы падлетка ўкусіла шалёная куніца
З клумбы ў Гомелі сталі прападаць кветкі. Хулігана знайшлі, але з яго нічога не возьмеш
Разборкі на Шчучыншчыне. Як кот Васіль прагнаў з агарода лісу ВІДЭА