Va Ušačach kala ludskich damoŭ zaŭvažyli vaŭka z abadranym chvastom
U TikTok apublikavali rolik, u jakim pakazali vaŭka, jaki biehaŭ kala žylla ludziej u rajcentry Ušačy. Kamientatary stali dzialicca zdahadkami, šalonaja heta žyviolina ci nie, piša Telegraf.news.
«Voś takija źviary ŭ Viciebskaj vobłaści. Što rabić u takoj situacyi? Jak dumajecie, jon šalony?» — pacikaviłasia biełaruska.
UVAHA: U videa niecenzurnaja leksika.
Na videa jana pakazała adnaho vaŭka, a ź niezvyčajnaha byŭ vielmi abadrany chvost žyvioły, na što źviarnuli ŭvahu kamientatary.
«Pa chvaście vidać šalenstva», — napisaŭ adzin kamientatar.
«U vaŭka alerhija, śvierb moža pa niervovych kančatkach iści ŭ chvost», — vykazała zdahadku inšaja karystalnica.
«Uzimku jon rybu łaviŭ», — pažartavaŭ treci.
«I kolki heta moža praciahvacca? Lisy, miadźviedzi, vaŭki i h. d. u haradach chodziać. Unačy z pracy idzieš i baišsia», — paskardziłasia kamientatarka.
«Treba paviedamić u miascovy adździeł pryrodaachovy. Na krajni vypadak patelefanavać u milicyju», — paraiła inšaja.
Čytajcie taksama:
U Brahinskim rajonie siłaviki ŭ broniekamizelkach i kaskach vyjšli palavać na šalonuju lisu VIDEA
U Žabincy padletka ŭkusiła šalonaja kunica
Z kłumby ŭ Homieli stali prapadać kvietki. Chulihana znajšli, ale ź jaho ničoha nie voźmieš
Razborki na Ščučynščynie. Jak kot Vasil prahnaŭ z aharoda lisu VIDEA