У Серабранцы мужчына памёр проста на вуліцы
Раніцай 26 траўня ў чатах Ленінскага раёна сталіцы з'явілася фота цела мужчыны, які ляжыць на абочыне пад прасцінай. Пра тое, што здарылася, даведаліся «Мінск-Навіны».
Са слоў відавочцаў, на праспекце Ракасоўскага мужчыне раптам стала дрэнна: яго пачало трэсці, пасля чаго ён упаў на зямлю і страціў прытомнасць.
— Мінакі неадкладна звярнуліся ў экстранныя службы. Нягледзячы на праведзеныя медыцынскімі работнікамі рэанімацыйныя мерапрыемствы, 46-гадовы мінчанін памёр, — распавяла афіцыйны прадстаўнік УСК па Мінску Кацярына Гарлінская.
Для ўстанаўлення дакладнай прычыны смерці назначана судова-медыцынская экспертыза. Паводле папярэдняй інфармацыі, у мужчыны былі сардэчна-сасудзістыя захворванні.