U Sierabrancy mužčyna pamior prosta na vulicy
Ranicaj 26 traŭnia ŭ čatach Leninskaha rajona stalicy źjaviłasia fota cieła mužčyny, jaki lažyć na abočynie pad praścinaj. Pra toje, što zdaryłasia, daviedalisia «Minsk-Naviny».
Sa słoŭ vidavočcaŭ, na praśpiekcie Rakasoŭskaha mužčynie raptam stała drenna: jaho pačało treści, paśla čaho jon upaŭ na ziamlu i straciŭ prytomnaść.
— Minaki nieadkładna źviarnulisia ŭ ekstrannyja słužby. Niahledziačy na praviedzienyja miedycynskimi rabotnikami reanimacyjnyja mierapryjemstvy, 46-hadovy minčanin pamior, — raspaviała aficyjny pradstaŭnik USK pa Minsku Kaciaryna Harlinskaja.
Dla ŭstanaŭleńnia dakładnaj pryčyny śmierci naznačana sudova-miedycynskaja ekśpiertyza. Pavodle papiaredniaj infarmacyi, u mužčyny byli sardečna-sasudzistyja zachvorvańni.