На заўтра перадаюць моцныя дажджы
Сіноптыкі папярэдзілі, што ў аўторак, 27 мая, па Беларусі пройдуць моцныя дажджы.
Паводле інфармацыі з партала pogoda.by, у гэты дзень чакаецца воблачнае надвор’е з праясненнямі. На большай частцы тэрыторыі краіны пройдуць дажджы, месцамі — моцныя. Днём у асобных раёнах магчымыя навальніцы. Уначы і раніцай месцамі чакаецца слабы туман.
Што да тэмпературы, то ўначы яна складзе ад +7°C на захадзе да +16°C на ўсходзе. Днём тэмпература будзе вагацца ад +13°C да +19°C, а ў некаторых заходніх і ўсходніх рэгіёнах — да +25°C.
Між тым сіноптык Дзмітрый Рабаў раней адзначаў, што на гэтым тыдні, з 26 мая па 1 чэрвеня, чакаецца даволі камфортнае і ўмерана цёплае надвор’е.