Міліцыя будзе патруляваць цэнтр Мінска на электраскутарах
Увесну і ўлетку міліцыя надае асаблівую ўвагу ахове грамадскага парадку ў цэнтральнай частцы Мінска, гарадскіх парках, скверах, паведамляе тэлеграм-канал «Міліцыя Мінска».
Скрыншот відэа «Міліцыя Мінска»
З гэтага года ў цэнтры горада супрацоўнікі патрульна-паставой службы міліцыі Ленінскага РУУС будуць несці службу на электраскутарах.
Зазначаецца, што гэта павінна павысіць іх мабільнасць нават ва ўмовах напружанага аўтамабільнага трафіку і шматлюднасці, а таксама дасць магчымасць яшчэ больш аператыўна аказваць дапамогу грамадзянам, якія ў ёй маюць патрэбу.
Маршрут руху нараду пабудаваны так, каб ахапіць галоўныя кропкі прыцягнення гараджан і гасцей сталіцы і забяспечыць для іх бяспечнае баўленне часу.