Milicyja budzie patrulavać centr Minska na elektraskutarach
Uviesnu i ŭletku milicyja nadaje asablivuju ŭvahu achovie hramadskaha paradku ŭ centralnaj častcy Minska, haradskich parkach, skvierach, paviedamlaje telehram-kanał «Milicyja Minska».
Skrynšot videa «Milicyja Minska»
Z hetaha hoda ŭ centry horada supracoŭniki patrulna-pastavoj słužby milicyi Leninskaha RUUS buduć nieści słužbu na elektraskutarach.
Zaznačajecca, što heta pavinna pavysić ich mabilnaść navat va ŭmovach napružanaha aŭtamabilnaha trafiku i šmatludnaści, a taksama daść mahčymaść jašče bolš apieratyŭna akazvać dapamohu hramadzianam, jakija ŭ joj majuć patrebu.
Maršrut ruchu naradu pabudavany tak, kab achapić hałoŭnyja kropki pryciahnieńnia haradžan i haściej stalicy i zabiaśpiečyć dla ich biaśpiečnaje baŭleńnie času.