Грошы для былога палітвязня Андрэя Чапюка сабралі менш чым за паўсутак

Пра завяршэнне збору на патрэбы Андрэя Чапюка «менш чым за 12 гадзін» паведаміў кіраўнік Фонду салідарнасці «Байсол» Андрэй Стрыжак.

Андрэй Чапюк

Андрэй Чапюк — праваабаронца і валанцёр з арганізацыі «Вясна», які быў палітычным зняволеным. Яму 29 гадоў, ён родам з Нясвіжа. Пасля школы пераехаў у Мінск, атрымаў спецыяльнасць слесара-рамонтніка і працаваў у лёгкай прамысловасці. Актыўна назіраў за палітычнымі працэсамі.

У жніўні 2020 года дапамагаў у валанцёрскім лагеры каля СІЗА на Акрэсціна. У кастрычніку таго ж года быў арыштаваны, а ў красавіку 2022-га асуджаны на 6 гадоў пазбаўлення волі і штраф каля 16 тысяч рублёў. Пасля перагляду справы Вярхоўны суд скараціў тэрмін да 5 гадоў і 9 месяцаў.

Свой тэрмін Андрэй адбываў у калоніі «Воўчыя норы» пад Івацэвічамі і быў вызвалены ў красавіку 2025 года, адбыўшы яго цалкам. У канцы мая ён пакінуў Беларусь.

Каментары да артыкула