Hrošy dla byłoha palitviaźnia Andreja Čapiuka sabrali mienš čym za paŭsutak

Pra zaviaršeńnie zboru na patreby Andreja Čapiuka «mienš čym za 12 hadzin» paviedamiŭ kiraŭnik Fondu salidarnaści «Bajsoł» Andrej Stryžak.

Andrej Čapiuk

Andrej Čapiuk — pravaabaronca i vałancior z arhanizacyi «Viasna», jaki byŭ palityčnym źniavolenym. Jamu 29 hadoŭ, jon rodam ź Niaśviža. Paśla škoły pierajechaŭ u Minsk, atrymaŭ śpiecyjalnaść ślesara-ramontnika i pracavaŭ u lohkaj pramysłovaści. Aktyŭna naziraŭ za palityčnymi pracesami.

U žniŭni 2020 hoda dapamahaŭ u vałanciorskim łahiery kala SIZA na Akreścina. U kastryčniku taho ž hoda byŭ aryštavany, a ŭ krasaviku 2022-ha asudžany na 6 hadoŭ pazbaŭleńnia voli i štraf kala 16 tysiač rubloŭ. Paśla pierahladu spravy Viarchoŭny sud skaraciŭ termin da 5 hadoŭ i 9 miesiacaŭ.

Svoj termin Andrej adbyvaŭ u kałonii «Voŭčyja nory» pad Ivacevičami i byŭ vyzvaleny ŭ krasaviku 2025 hoda, adbyŭšy jaho całkam. U kancy maja jon pakinuŭ Biełaruś.

Kamientary da artykuła