Лонданскі «Чэлсі» выйграў Лігу канферэнцый
Лонданскі «Чэлсі» выйграў Лігу канферэнцый — трэці па значнасці еўрапейскі футбольны турнір.
Фота: інстаграм ФК «Чэлсі»
У фінальным паядынку, што прайшоў учора ў польскім Уроцлаве, «Чэлсі» перамог іспанскі «Бетыс» з лікам 4:1.
Іспанцы першымі забілі ў матчы: у першым тайме вызначыўся Абдэ Эзалзулі.
«Чэлсі» чатыры разы забіў у другім тайме: Энца Фернандэс, Нікалас Джэксан, Джэйдан Санча, Мойзэс Кайсэда.
«Чэлсі» мае ўсе галоўныя еўрапейскія трафеяў, якія разыгрываліся ў розны час. Клуб двойчы выйграваў Лігу чэмпіёнаў (2012, 2021), Лігу Еўропы (2013, 2019), Кубак уладальнікаў кубкаў, які праводзіўся да 1999 года (1971, 1998), а таксама Суперкубак УЕФА (1998, 2021).
У мінулую сераду, 21 мая, Лігу Еўропы выйграў англійскі «Тотэнхем», што перамог у фінале «Манчэстэр Юнайтэд».
У гэту суботу ў фінале Лігі чэмпіёнаў згуляюць ПСЖ і «Інтэр».