Łondanski «Čełsi» vyjhraŭ Lihu kanfierencyj
Łondanski «Čełsi» vyjhraŭ Lihu kanfierencyj — treci pa značnaści jeŭrapiejski futbolny turnir.
Fota: instahram FK «Čełsi»
U finalnym pajadynku, što prajšoŭ učora ŭ polskim Urocłavie, «Čełsi» pieramoh ispanski «Bietys» ź likam 4:1.
Ispancy pieršymi zabili ŭ matčy: u pieršym tajmie vyznačyŭsia Abde Ezałzuli.
«Čełsi» čatyry razy zabiŭ u druhim tajmie: Enca Fiernandes, Nikałas Džeksan, Džejdan Sanča, Mojzes Kajseda.
«Čełsi» maje ŭsie hałoŭnyja jeŭrapiejskija trafiejaŭ, jakija razyhryvalisia ŭ rozny čas. Kłub dvojčy vyjhravaŭ Lihu čempijonaŭ (2012, 2021), Lihu Jeŭropy (2013, 2019), Kubak uładalnikaŭ kubkaŭ, jaki pravodziŭsia da 1999 hoda (1971, 1998), a taksama Supierkubak UEFA (1998, 2021).
U minułuju sieradu, 21 maja, Lihu Jeŭropy vyjhraŭ anhlijski «Totenchiem», što pieramoh u finale «Mančester Junajted».
U hetu subotu ŭ finale Lihi čempijonaŭ zhulajuć PSŽ i «Inter».