Сёння пачынаецца суд над Нінай Багінскай
Аснову абвінавачання супраць Багінскай складаюць адміністрацыйныя пратаколы і судовыя пастановы за 2024 год.
30 мая ў 10:30 у судзе Савецкага раёна Мінска будзе разглядацца крымінальная справа супраць Ніны Багінскай па артыкуле 342-2 (неаднаразовае парушэнне закона аб правядзенні масавых мерапрыемстваў).
Аснову абвінавачання супраць Багінскай складаюць адміністрацыйныя пратаколы і судовыя пастановы за 2024 год.
78-гадовую Ніну Багінскую затрымлівалі дзясяткі разоў. З-за шматлікіх штрафаў у жанчыны адабралі лецішча і зямельны надзел, а пенсію яна гадамі атрымлівае не ў поўным аб'ёме.
Ніна Багінская мае шэраг цяжкіх захворванняў і мае патрэбу ў своечасовым медычным лекаванні. У турэмных умовах яе жыццю можа пагражаць сурʼёзная небяспека.
Жанчыне пагражае да трох гадоў зняволення.