Siońnia pačynajecca sud nad Ninaj Bahinskaj
Asnovu abvinavačańnia suprać Bahinskaj składajuć administracyjnyja pratakoły i sudovyja pastanovy za 2024 hod.
30 maja ŭ 10:30 u sudzie Savieckaha rajona Minska budzie razhladacca kryminalnaja sprava suprać Niny Bahinskaj pa artykule 342-2 (nieadnarazovaje parušeńnie zakona ab praviadzieńni masavych mierapryjemstvaŭ).
Asnovu abvinavačańnia suprać Bahinskaj składajuć administracyjnyja pratakoły i sudovyja pastanovy za 2024 hod.
78-hadovuju Ninu Bahinskuju zatrymlivali dziasiatki razoŭ. Z-za šmatlikich štrafaŭ u žančyny adabrali lecišča i ziamielny nadzieł, a piensiju jana hadami atrymlivaje nie ŭ poŭnym abjomie.
Nina Bahinskaja maje šerah ciažkich zachvorvańniaŭ i maje patrebu ŭ svoječasovym miedyčnym lekavańni. U turemnych umovach jaje žyćciu moža pahražać surjoznaja niebiaśpieka.
Žančynie pahražaje da troch hadoŭ źniavoleńnia.