Саліст расійскай групы «Руки вверх» адкрые ў Мінску свой бар
Сяргей Жукаў абяцае, што працаваць бар пачне восенню.
Сяргей Жукаў. Фота: rvbar_minsk / Instagram
Называцца танцавальная ўстанова будзе «Руки вверх! Бар». З'явіцца яна ў верасні на першым паверсе бізнес-цэнтра на праспекце Незалежнасці каля цырка.
Сеткай «Руки вверх! Бар» музыка Сяргей Жукаў займаецца з 2012 года, сумесна з рэстаратам Паўлам Часнаковым. Першая кропка адкрылася ў Пецярбургу, цяпер іх каля 30. У Мінску гэта будзе першы бар франшызы.