Ганна Бонд крытыкуе, дэпутатка Мірончык-Іванова спявае пра «крошку»: у Мінску з аншлагам прайшоў канцэрт «Руки вверх»

Нехта нават пайшоў на канцэрт з калегамі і паказваў у тыктоку, як малюе плакат «Сёрежа, мы — твои крошки» разам.

@ksushenka_sergeevna #рукивверх #минск @Сергей Жуков ♬ оригинальный звук - ksushenka_sergeevna

А хтосьці прызнаваўся ў сацсетках, што 20 гадоў марыў трапіць на канцэрт «Руки вверх».

@litvin4ikkk Детские мечты должны сбываться #сергейжуков #руккивверх #минск #минскарена #сергейжуковминск ♬ оригинальный звук - Litvin4ikk

Тыя, хто хацеў быць зусім блізка да сцэны, прыехалі ў «Мінск-Арэну» вельмі загадзя. Адна з жанчын, якая набыла квіток у фанзону, выклала відэа, як бяжыць, каб заняць добрае месца. Жартуючы, яна назвала гэта «Галоднымі гульнямі». У каментарыях растлумачыла, што ў залі апынулася ажно за паўтары гадзіны да пачатку канцэрта.

@roz.marynka #рукивверх #минск #арена #пинск #розмаринка #pinsk #беларусь #блогербеларусь #блогербеларусь ♬ оригинальный звук - roz.marynka

Блогерка Ганна Бонд, хоць і танчыла актыўна, але ж раскрытыкавала канцэрт:

— Чалавек проста павесіў экран, ніякіх дэкарацый, балет з Беларусі (8 чалавек максімум) — і ўсё. Бачна, што выходзіць спявае пад фанаграму, энергіі мінімальна, праўда. Грае на настальгіі: «Вы — маё дзяцінства, юнацтва…». Калі ты граеш на настальгіі народа, зрабі квіткі па 10 даляраў, а не па 50-100 і вышэй (насамрэч, квіткі каштавалі ад 65 да 297 рублёў — НН). Акей? Акей. Тады будзе сумленна.

Не зразумела Ганна тое, што DJ Груву далі ажно 30 хвілін пасярод канцэрту — бо навошта ён, калі людзі прыйшлі на «Руки вверх». Але ў выніку блогерка прызналася, што дыджэй спадабаўся ёй больш за сам гурт.

Раскрытыкавала Ганна і доўгія паўзы падчас канцэрту, калі Сяргей Жукаў казаў пафасныя прамовы — блогерка параўнала гэта з выступамі тамады на вяселлі.

— Рыхтуйцеся, у вас наперадзе яшчэ тры канцэрты, але я лічу, што гэта нейкае на***лава. Мяне запрасілі, я квіткі не купляла, але ўсё роўна.

У інстаграме блогеркі меркаванні каментатараў падзяліліся: нехта прызнаўся, што цалкам згодны, а нехта наадварот палічыў, што Ганна прыдзіраецца і ўсё было цудоўна.

View this post on Instagram

A post shared by АННА БОНД (@annabondarchuk)

А вось спявак Іван Зданюк, які нядаўна дамовіўся, каб яго песня грала ў прыбіральні аднаго са сталічных кафэ, застаўся цалкам задаволены. Наўрад ці для 26-гадовага артыста «Руки вверх» асацыіруюцца з дзяцінствам, але ж песню «18 мне уже» ён назваў хітом усіх часоў.

Стаяў Іван недзе ля пульта гукарэжысёра — відавочна, Зданюк таксама не плаціў за квіток. Ён апублікаваў у сторыс відэа, як шматтысячная зала «Мінск-арэны» падпявае Жукаву: «Толькі паслухайце: 15 тысяч чалавек спявалі так увесь канцэрт». Саліста «Руки вверх» беларус называе легендарным і пахваліўся, што змог з ім сфатаграфавацца.

Павялічыць

Яна Бараноўская — мадэль і сяброўка адной з фаварытак Лукашэнкі Уладлены Зайцавай — шчаслівая танчыла пад «Чужие губы тебя ласкают».

Павялічыць

Лёгкаатлетка і дэпутатка Настасся Мірончык-Іванова таксама пахвалілася падпісчыкам у інстаграме, што вечар пятніцы праводзіць на канцэрце «Руки вверх». У леапардавым пінжаку яна з замілаваннем падпявала песні «Крошка мая» і выглядала цалкам задаволенай жыццём.

Павялічыць

У аўтобусах, якія развозілі наведвальнікаў канцэрта, атмасфера была вясёлая: нягледзячы на тое, што стаяць прыходзілася літаральна адзін на адным, людзі спявалі хорам.

@arina.ab26 Вот так мы возвращались после концерта #рукивверх #рукивверх #рукивверхвминске2025 #рукивверх2025 #минск #минскарена @Руки Вверх! ♬ оригинальный звук - arina.ab26

Гурт «Руки вверх» стаў першым, які мае сабраць «Мінск-арэну» чатыры разы запар. Мінулы рэкорд належаў Anna Asti, якая змагла зрабіць гэта тройчы.

Нагадаем: з самага пачатку поўнамаштабнай вайны ва Украіне Сяргей Жукаў, саліст гурта «Руки вверх», абраў пазіцыю «я па-за палітыкай».

У сакавіку 2022 года артыст апублікаваў у сваім інстаграме пост пра вайну з пасылам «не ўсё так адназначна»: «Я, як і ўсе вы, гляджу за тым, што адбываецца. І бачу і ведаю тое самае, што і вы. Я не палітык, не журналіст, не палітолаг. Я — музыка. Так, у мяне вялікая аўдыторыя, але гэта тым больш азначае вялікую адказнасць. За кожнае маё слова. Цяпер столькі валіцца інфармацыі, з усіх бакоў, што проста браць і распаўсюджваць яе, не маючы магчымасці праверыць, — я так не буду рабіць… Адчуванне, што ўсе адно аднаго ненавідзяць. Хэйт, абразы, нянавісць. Так нельга! Ну мы ж усё ў першую чаргу людзі! Спыніцеся, ну праўда!».

Больш за ўсё тады Сяргею было шкада расійскіх паралімпійцаў, якіх адхілілі ад удзелу ў міжнародных спаборніцтвах.

Аднак усяго праз некалькі тыдняў грамадзянская пазіцыя Сяргея Жукава стала відавочнай. Ён выступіў у Лужніках на канцэрце ў гонар акупацыі Крыма.

Потым Сяргей Жукаў трапіў у скандал праз тое, што ў яго бар «Руки вверх» у Краснадары не пусцілі чалавека ў камуфляжы, які называў сябе ўдзельнікам вайны. Артыст публічна выбачыўся і заявіў, што ў яго бары «абаронцам айчыны заўсёды рады».

• 0
• 3
• 1
• 20
• 0
• 0
• 1
• 0