Новая Зеландыя пашырыла свае санкцыі на дзве беларускія кампаніі
19 чэрвеня 2025 года Новая Зеландыя ўвяла дадатковыя санкцыі ў адказ на вайну Расіі супраць Украіны. У санкцыйны спіс трапілі дзве беларускія кампаніі і іх кіраўнікі.
Завод «Легмаш» у Оршы. Фота: Яндэкс
Пад новазеландскія абмежаванні гэтым разам трапілі:
- ААТ «Завод Легмаш» з Оршы і яго дырэктар Уладзіслаў Паўленка. Гэтае прадпрыемства, якое раней займалася швейным абсталяваннем, а цяпер вырабляе дэталі да боепрыпасаў, у тым ліку рэактыўныя снарады для Міністэрства абароны Расіі.
- Кампанія «КБ беспілотныя верталёты» і яе заснавальнік Уладзімір Чудакоў. Фірма займаецца вытворчасцю дронаў, якія выкарыстоўваюцца расійскай арміяй.
Абедзве арганізацыі ўжо знаходзяцца пад санкцыямі ЗША, Вялікабрытаніі і Канады. Паводле звестак ініцыятывы Belpol, гэтыя прадпрыемствы адыгрываюць важную ролю ў падтрымцы расійскай ваеннай інфраструктуры.
Чытайце таксама:
Сейм Літвы падтрымаў прапанову аб нацыянальных санкцыях супраць Беларусі і Расіі
Пасол Славакіі салідарызаваўся з Лукашэнкам і выступіў супраць падтрымкі Украіны