Мелоні звярнулася да Трампа з заклікам адносна вайны ва Украіне

Паміж Трампам і Мелоні адбылася доўгая размова, калі яны сядзелі побач на вячэры лідараў у Каралеўскім палацы ў Гаазе.

Джорджа Мелоні і Дональд Трамп на саміце ў Гаазе. На заднім плане — Уладзімір Зяленскі. Фота: Remko de Waal, Pool Photo via AP 

Прэм’ер-міністр Італіі Джорджа Мелоні заявіла, што рашучасць, якую Злучаныя Штаты Амерыкі прадэманстравалі адносна вайны паміж Іранам і Ізраілем, павінна быць праяўлена наконт Украіны і Газы. Такую заяву яна зрабіла падчас зносін з прадстаўнікамі прэсы пасля саміту НАТА, паведамляе УНІАН.

«Я сказала прэзідэнту Дональду Трампу і заявіла на саміце, што такая ж рашучасць, якая была прадэманстравана ў вайне паміж Ізраілем і Іранам, павінна быць выкарыстана і для дзвюх іншых дамоўленасцяў аб спыненні агню — ва Украіне і ў Газе», — падкрэсліла Мелоні.

Італьянская прэм’ер таксама дадала, што сітуацыя ў сектары Газы з’яўляецца нестабільнай.

Паміж Трампам і Мелоні адбылася доўгая размова, калі яны сядзелі побач на вячэры лідараў у Каралеўскім палацы ў Гаазе.

Паводле даных крыніц, палітыкі гаварылі пра асноўныя міжнародныя пытанні, уключаючы апошнія падзеі на Блізкім Усходзе.

Каментары да артыкула