У Дрыбінскім раёне маланка выклікала пажар у школе
Ратавальнікі ліквідавалі пажар у школе аграгарадка Пудоўня Дрыбінскага раёна, паведамляе прэс-служба МНС.
Скрыншот з відэа
У 07:47 у службу МНС паступіла паведамленне ад дырэктара школы пра задымленне ў будынку. Як высветлілася, там загарэлася электрашчытавая.
Ратавальнікі аператыўна прыбылі на месца здарэння і з дапамогай вогнетушыцеляў ліквідавалі ўзгаранне, не даўшы агню распаўсюдзіцца далей.
Ніхто не пацярпеў. Прычыны інцыдэнту высвятляюцца. Адна з версій — траплянне маланкі.