U Drybinskim rajonie małanka vyklikała pažar u škole
Ratavalniki likvidavali pažar u škole ahraharadka Pudoŭnia Drybinskaha rajona, paviedamlaje pres-słužba MNS.
Skrynšot ź videa
U 07:47 u słužbu MNS pastupiła paviedamleńnie ad dyrektara škoły pra zadymleńnie ŭ budynku. Jak vyśvietliłasia, tam zaharełasia elektraščytavaja.
Ratavalniki apieratyŭna prybyli na miesca zdareńnia i z dapamohaj vohnietušycielaŭ likvidavali ŭzharańnie, nie daŭšy ahniu raspaŭsiudzicca dalej.
Nichto nie paciarpieŭ. Pryčyny incydentu vyśviatlajucca. Adna ź viersij — traplańnie małanki.