Заўтра ва ўсіх ВНУ пачнецца асноўны этап прыёмнай кампаніі
У абітурыентаў ёсць 6 дзён, каб прынесці дакументы ў прыёмную камісію. Іх прымаюць з 12 да 17 ліпеня. Для некаторых спецыяльнасцей сельскагаспадарчага профілю і ва ўніверсітэтах сілавых структур гэты перыяд працягнецца да 19 ліпеня.
Фота ілюстрацыйнае
Па словах кіраўніка галоўнага ўпраўлення прафесійнай адукацыі Мінадукацыі Сяргея Пішчова, сёлета ва ўніверсітэтах выдзелілі 31,8 тысячы бюджэтных месцаў і 16,4 тысячы — на платнай аснове.
Большасць бюджэтных месцаў прыпадаюць на інжынераў (7,5 тысячы), перагогаў (3,9 тысячы), дактароў (2,9 тысячы) і аграрыяў (2,8 тысячы).
Чытайце таксама:
Толькі адзін выпускнік здаваў цэнтралізаваны экзамен па гэтым прадмеце
Абітурыенты змогуць падаць дакументы ў ВНУ праз электронную чаргу
У Мінадукацыі расказалі, ці будуць павышаць плату за навучанне ў ВНУ
Стабальнікаў на ЦТ у 2025 годзе аказалася на 40 працэнтаў больш, чым летась