У Мінадукацыі расказалі, ці будуць павышаць плату за навучанне ў ВНУ
Прадстаўнікі Мінiстэрства адукацыі расказалі, ці будуць павышаць кошт навучання ў беларускіх ВНУ, паведамляе БелТА.
Сёлета беларускія ўніверсітэты гатовыя прыняць на платнае аддзяленне каля 16,4 тыс. абітурыентаў. Гэта трэцяя частка ад усяго набору моладзі на атрымання вышэйшай адукацыі.
Як патлумачылі ў Міністэрстве адукацыі, лічбы прыёму фарміруюцца такім чынам, каб маладыя спецыялісты не засталіся без рабочых месцаў.
Сума за адукацыю фарміруецца з расходаў, затрачаных на падрыхтоўку спецыяліста.
Апошні раз кошты на платнае аддзяленне павышалі ў снежні 2023 года. Яны павялічваліся ў залежнасці ад спецыяльнасці. Розніца складала ад 3 да 17 %.
«У гэтым годзе павышэнне кошту аплаты не плануецца», — адзначыў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў.
Каментары