У Магілёве мужчына захацеў пераплыць Дняпро, і гэта была кепская ідэя
49-гадовы мясцовы жыхар адпачываў каля ракі разам з сябрам. У нейкі момант ён вырашыў пераплыць раку, але не дабраўся да супрацьлеглага берага і знік пад вадой, паведамляе Таварыства ратавання на водах.
Фота: Таварыства ратавання на водах
Здарэнне адбылося днём 2 жніўня каля 13:00.
Прычына трагедыі пакуль дакладна невядомая — ці быў мужчына цвярозы і што сталася падчас заплыву, не ўдакладняецца.
У сувязі з гэтым Таварыства ратавання на водах чарговы раз заклікае грамадзян быць асцярожнымі каля вады: купацца толькі ў спецыяльна абсталяваных месцах, не ўжываць алкаголь каля вадаёмаў, выконваць правілы бяспекі на лодках і катамаранах і не пакідаць дзяцей без нагляду.