U Mahilovie mužčyna zachacieŭ pierapłyć Dniapro, i heta była kiepskaja ideja
49-hadovy miascovy žychar adpačyvaŭ kala raki razam ź siabram. U niejki momant jon vyrašyŭ pierapłyć raku, ale nie dabraŭsia da supraćlehłaha bieraha i źnik pad vadoj, paviedamlaje Tavarystva ratavańnia na vodach.
Fota: Tavarystva ratavańnia na vodach
Zdareńnie adbyłosia dniom 2 žniŭnia kala 13:00.
Pryčyna trahiedyi pakul dakładna nieviadomaja — ci byŭ mužčyna ćviarozy i što stałasia padčas zapłyvu, nie ŭdakładniajecca.
U suviazi z hetym Tavarystva ratavańnia na vodach čarhovy raz zaklikaje hramadzian być aściarožnymi kala vady: kupacca tolki ŭ śpiecyjalna abstalavanych miescach, nie ŭžyvać ałkahol kala vadajomaŭ, vykonvać praviły biaśpieki na łodkach i katamaranach i nie pakidać dziaciej biez nahladu.