Спявачка Дуа Ліпа атрымала грамадзянства Косава
«Наш гонар, наш голас у свеце, жамчужына Косава — сардэчна запрашаем дадому».
Прэзідэнтка Косава Віёса Асмані і спявачка Дуа Ліпа. Фота: VjosaOsmaniPRKS / X
Сусветна вядомай спявачцы Дуа Ліпа выдалі грамадзянства Косава. Цырымонія адбылася 1 жніўня, зорку асабіста вітала прэзідэнтка Косава Віёса Асмані.
«Дуа і Косава заўсёды былі непадзельныя. Ад самых вялікіх сцэн свету да сэрцаў мільёнаў людзей яна несла нашу гісторыю з сілай, гонарам і вытанчанасцю. Яна рассоўвала межы, тварыла гісторыю і нагадвала свету, што веліч пачынаецца з усведамлення таго, хто ты і адкуль родам.
Наша падзяка бязмежная за ўсё, што Дуа зрабіла і працягвае рабіць для Косава», — напісала Віёса Асмані ў X.
Фота: VjosaOsmaniPRKS / X
«Наш гонар, наш голас у свеце, жамчужына Косава — сардэчна запрашаем дадому», — дадала яна.
Дуа Ліпа з сям'і косаўскіх албанцаў. Яны пакінулі Косава ў 1990-х і эмігравалі ў Вялікабрытанію, дзе і нарадзілася Дуа Ліпа. Пазней, калі ў 2008 годзе Косава абвясціла сваю незалежнасць, яны з сям'ёй вярнуліся ў Прышціну, і дзяўчына некалькі гадоў там вучылася, пасля чаго зноў з'ехала ў Лондан рабіць музычную кар'еру.
У Дуа Ліпа ёсць грамадзянства Вялікабрытаніі і Албаніі (апошняе ёй выдалі ў 2022-м).
Спявачка не раз казала пра сваю любоў да Косава. У 2016 годзе разам з бацькам яна стварыла фонд Sunny Hill Foundation для дапамогі жыхарам Косава.
Чытайце таксама:
Спявачка Дуа Ліпа на ўручэнні Brit Awards заклікала павысіць заробкі медсёстрам — і сарвала авацыі