«Я вельмі расчараваны ў ім». Трамп незадаволены паводзінамі Пуціна
Журналіст CNN Скот Джэнінгс выклаў невялікі фрагмент яго тэлефоннага інтэрв'ю з прэзідэнтам ЗША Дональдам Трампам, у якім ён гаворыць пра тое, што чакаў ад прэзідэнта Расіі Уладзіміра Пуціна іншых паводзін.
Уладзімір Пуцін і Дональд Трамп падчас сустрэчы на Алясцы 15 жніўня. Фота: Andrew Harnik/Getty Images
«Я вельмі расчараваны ў ім. У нас заўсёды былі выдатныя адносіны. Я вельмі расчараваны. Тысячы людзей паміраюць, расіяне і ўкраінцы. […] Паглядзім, што адбудзецца, але я вельмі расчараваны ў прэзідэнце Пуціне. Я магу сказаць гэта. І мы зробім нешта, каб людзі жылі. Гэта не пытанне Украіны. Гэта каб людзі жылі. 7 тысяч чалавек паміраюць кожны тыдзень, у асноўным, салдаты. І калі я магу нешта зрабіць, каб спыніць гэта, я думаю, у мяне ёсць такі абавязак», — заявіў Трамп.
Ён таксама адзначыў, што гэта
«бессэнсоўная вайна, якая ніколі б не пачалася, калі б я быў прэзідэнтам, і гэта турбуе мяне яшчэ больш, таму што выбары былі цалкам сфальсіфікаваныя, і гэта ганьба».
Чытайце таксама:
З асабістай сустрэчай Пуціна і Зяленскага носяцца як з пісанай торбай. Але што яна насамрэч зменіць?
Белы дом: Сёння Трамп выступіць з важнай заявай
ЗША ў найбліжэйшыя дні разгледзяць усе магчымыя спосабы ціску на Расію
Пуцін пасля сустрэчы з Трампам едзе ў Кітай святкаваць перамогу