«Ja vielmi rasčaravany ŭ im». Tramp niezadavoleny pavodzinami Pucina
Žurnalist CNN Skot Dženinhs vykłaŭ nievialiki frahmient jaho telefonnaha intervju z prezidentam ZŠA Donaldam Trampam, u jakim jon havoryć pra toje, što čakaŭ ad prezidenta Rasii Uładzimira Pucina inšych pavodzin.
Uładzimir Pucin i Donald Tramp padčas sustrečy na Alascy 15 žniŭnia. Fota: Andrew Harnik/Getty Images
«Ja vielmi rasčaravany ŭ im. U nas zaŭsiody byli vydatnyja adnosiny. Ja vielmi rasčaravany. Tysiačy ludziej pamirajuć, rasijanie i ŭkraincy. […] Pahladzim, što adbudziecca, ale ja vielmi rasčaravany ŭ prezidencie Pucinie. Ja mahu skazać heta. I my zrobim niešta, kab ludzi žyli. Heta nie pytańnie Ukrainy. Heta kab ludzi žyli. 7 tysiač čałaviek pamirajuć kožny tydzień, u asnoŭnym, sałdaty. I kali ja mahu niešta zrabić, kab spynić heta, ja dumaju, u mianie jość taki abaviazak», — zajaviŭ Tramp.
Jon taksama adznačyŭ, što heta
«biessensoŭnaja vajna, jakaja nikoli b nie pačałasia, kali b ja byŭ prezidentam, i heta turbuje mianie jašče bolš, tamu što vybary byli całkam sfalsifikavanyja, i heta hańba».
Čytajcie taksama:
Bieły dom: Siońnia Tramp vystupić z važnaj zajavaj
ZŠA ŭ najbližejšyja dni razhledziać usie mahčymyja sposaby cisku na Rasiju
Pucin paśla sustrečy z Trampam jedzie ŭ Kitaj śviatkavać pieramohu