Золатавалютныя рэзервы Беларусі ўзялі планку 12 мільярдаў даляраў
Золатавалютныя рэзервы Беларусі працягваюць расці. На 1 верасня яны дасягнулі 12,4 млрд даляраў, павялічыўшыся за жнівень на 471,4 млн даляраў, паведаміў Нацбанк.
Osaka / Wayne Studio / Getty Images
З пачатку года рэзервы павялічыліся на 3,49 млрд даляраў.
У жніўні прыблізна роўны ўнёсак у рост ЗВР унеслі рост цаны на золата і валютныя рэзервы. Кошт манетарнага золата вырас на 225,1 млн даляраў да 5,94 млрд.
Рэзервовыя актывы ў замежнай валюце павялічыліся на 251,8 млн даляраў да 5,07 млрд даляраў.
Па выніках 2024 года ЗВР Беларусі выраслі да $9 млрд даляраў, а ў сакавіку 2025 года ўзялі планку ў $10 млрд даляраў, у маі — 11 млрд.