Zołatavalutnyja reziervy Biełarusi ŭziali płanku 12 miljardaŭ dalaraŭ
Zołatavalutnyja reziervy Biełarusi praciahvajuć raści. Na 1 vieraśnia jany dasiahnuli 12,4 młrd dalaraŭ, pavialičyŭšysia za žnivień na 471,4 młn dalaraŭ, paviedamiŭ Nacbank.
Osaka / Wayne Studio / Getty Images
Z pačatku hoda reziervy pavialičylisia na 3,49 młrd dalaraŭ.
U žniŭni pryblizna roŭny ŭniosak u rost ZVR unieśli rost cany na zołata i valutnyja reziervy. Košt manietarnaha zołata vyras na 225,1 młn dalaraŭ da 5,94 młrd.
Reziervovyja aktyvy ŭ zamiežnaj valucie pavialičylisia na 251,8 młn dalaraŭ da 5,07 młrd dalaraŭ.
Pa vynikach 2024 hoda ZVR Biełarusi vyraśli da $9 młrd dalaraŭ, a ŭ sakaviku 2025 hoda ŭziali płanku ŭ $10 młrd dalaraŭ, u mai — 11 młrd.