Украінскія памежнікі: Расійскія войскі пасля вучэнняў у Беларусі не засталіся
Расійскія войскі, што ўдзельнічалі ў вучэннях «Захад-2025», пасля іх завяршэння цалкам вярнуліся ў Расію. Паблізу мяжы з Украінай правакацый зафіксавана не было, паведаміў прадстаўнік Дзяржпагранслужбы Украіны Андрэй Дземчанка.
Здымак ілюстрацыйны. Фота: Міністэрства абароны Беларусі
Ён адзначыў, што адразу пасля актыўнай фазы вучэнняў (12—16 верасня) расійскія войскі пачалі фарміраваць калоны для вяртання, і цяпер Беларусь яны ўжо пакінулі.
Андрэй Дземчанка падкрэсліў, што ўсе дзеянні адбываліся ў глыбіні тэрыторыі Беларусі і не закраналі ўкраінскую мяжу. Паводле яго слоў, памежнікі, разведка і Міністэрства абароны пільна адсочвалі сітуацыю, каб своечасова рэагаваць на магчымыя пагрозы.
Нягледзячы на завяршэнне вучэнняў, кірунак мяжы з Беларуссю для Украіны застаецца адным з ключавых у пытаннях бяспекі — нароўні з расійскай мяжой і лініяй фронту.
Чытайце таксама:
Пуцін дазволіў Герасімаву ваяваць яшчэ пяць гадоў
Расійскі пасол: Польшча яшчэ будзе апраўдвацца за закрыццё мяжы
Польшча не адкрые мяжу і пасля сканчэння вучэнняў «Захад»
Мінабароны: На вучэннях «Захад-2025» адпрацаваныя ўсе пастаўленыя задачы