Ukrainskija pamiežniki: Rasijskija vojski paśla vučeńniaŭ u Biełarusi nie zastalisia
Rasijskija vojski, što ŭdzielničali ŭ vučeńniach «Zachad-2025», paśla ich zaviaršeńnia całkam viarnulisia ŭ Rasiju. Pablizu miažy z Ukrainaj pravakacyj zafiksavana nie było, paviedamiŭ pradstaŭnik Dziaržpahransłužby Ukrainy Andrej Dziemčanka.
Zdymak ilustracyjny. Fota: Ministerstva abarony Biełarusi
Jon adznačyŭ, što adrazu paśla aktyŭnaj fazy vučeńniaŭ (12—16 vieraśnia) rasijskija vojski pačali farmiravać kałony dla viartańnia, i ciapier Biełaruś jany ŭžo pakinuli.
Andrej Dziemčanka padkreśliŭ, što ŭsie dziejańni adbyvalisia ŭ hłybini terytoryi Biełarusi i nie zakranali ŭkrainskuju miažu. Pavodle jaho słoŭ, pamiežniki, raźviedka i Ministerstva abarony pilna adsočvali situacyju, kab svoječasova reahavać na mahčymyja pahrozy.
Niahledziačy na zaviaršeńnie vučeńniaŭ, kirunak miažy ź Biełaruśsiu dla Ukrainy zastajecca adnym z klučavych u pytańniach biaśpieki — naroŭni z rasijskaj miažoj i linijaj frontu.
Čytajcie taksama:
Pucin dazvoliŭ Hierasimavu vajavać jašče piać hadoŭ
Rasijski pasoł: Polšča jašče budzie apraŭdvacca za zakryćcio miažy
Polšča nie adkryje miažu i paśla skančeńnia vučeńniaŭ «Zachad»
Minabarony: Na vučeńniach «Zachad-2025» adpracavanyja ŭsie pastaŭlenyja zadačy